Нийслэлийн онцгой байдлын газар Нийслэлийн Баянгол дүүргийн аравдугаар хорооны “Зүүн наран”-гийн 10 гудамжинд бага насны хүүхэд нүхэн жорлонд унасан тухай дуудлагыг өчигдөр 11:18 цагт хүлээн авчээ.
Нийслэлийн Аврах ангийн алба хаагчдыг очиход Б /8 настай, эмэгтэй/ нь нэг метрийн гүнтэй нүхэн жорлонд унаж нас барсан тул цогцсыг тус дүүрэг дэх Цагдаагийн хоёрдугаар хэлтсийн жижүүрийн бүрэлдэхүүн гаргасан байна.
Цагдаагийн байгууллагад “Манай 00-д 5,6 орчим насны нүцгэн, бололтой хүүхэд алаад хийчихсэн байна” гэсэн дуудлага тавдугаар сарын 28-ны өдөр цагдаагийн байгууллагад бүртгэгдсэн.
Дуудлага, мэдээллийн дагуу шалгахад 7 настай эмэгтэй хүүхдийг 21 настай эрэгтэй хүчирхийлж, улмаар амь насыг нь хохироогоод айлын жорлонд хийж, хэргийн газрыг орхин зугтаасныг цагдаагийн байгууллагаас шуурхай хайснаар баривчлан цагдан хорьж, шалгалтын ажиллагааг явуулж байгаа юм байна.
Эрүүгийн хуулийн 12.1.4 буюу хүчиндэх гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин жил хүртэл хугацаагаар, эсхүл бүх насаар хорих ял шийтгэнэ.
