Нэг хэсэг “Твиттерийн хатан хаан” хэмээн цоллуулж явсан А.Урангоог олон нийтийн сүлжээнд танихгүй хүн ховор. Их Аварга Асашёорюүтэй нэр холбогдож багагүй шуугиан дэгдээж явсан тэрбээр өөрийн “UA Consulting” компаниа удирдаад тун ч завгүй гүйх болсон. Үл хөдлөхийн салбарын томоохон акулуудын нэг тэрбээр өөрөө өөрийгөө олсон тухай мэдрэмжээсээ ийн хуваалцжээ.
А.Урангоо: Олон хүмүүс надад дуртай байснаар би өөрийгөө сайн хүн гэж боддог байсан маань мартагдаад удаж байна. Өөрийнхөө чин сэтгэлийг сонсож, өөр өөртөө таалагдаж, өөрийнхөө ертөнцөд амар тайван амьдрах нь аз жаргал. Ийм өөрийнхөөрөө хүмүүст зарим хүмүүс таатай байдаггүй, гэхдээ энэ нь өөрийнхөөрөө жаргалтай байх төлөөс байж магад. Би талархалд дуртай байлаа, хүнд үгүй гэж хэлэхээс эмээдэг, хүний төлөө би бүгдийг хийдэг байлаа. Ажил хариуцлага гээд л нэг тийм соц үеийн ээж ааваас маань өвлөгдсөн чанар дотор минь байгаад л байдаг.
Харин одоо өөрийгөө нэгэнт олсны дараа, ямар дадалтай, ямар давуу талтай хүн бэ гэдгийг мэдэрснийхээ дараа яг л хүслээрээ байх болсон. Хумсаа янзлуулахын тулд маникуристын цагийг харах биш, намайг завтай үед маникюр хийх хүнийг сонгох болсон.
Ачаалал ихтэй ажилчихаад, оройдоо хэдэн цагаар ч хамаагүй дуулж өөрийнхөө дуртай зүйлд цаг зарцуулдаг болсон.Бүх хүнд тохирох биш, бүхнийг өөртөө тохируулаад ирэхээр эмэгтэй хүний стресстэх олон шалтгааны нэлээдгүй нь багасаад ирдэг. Амьдрах хэрэгтэй шүү дээ тэ?
